ഷെർലക് ഹോംസിനേയും അയാളുടെ ഭക്ഷണശാലയേയും വിട്ട് വീണ്ടും മാൽമോ തെരുവിലേക്കിറങ്ങി

'നിങ്ങൾ എവിടെനിന്നു വരുന്നു?'
'ഇന്ത്യ'
'ഓഹോ, ബുദ്ധന്റെ നാട് അല്ലേ?'
'അതേ. താങ്കൾ ബുദ്ധമതക്കാരനാണോ?'
'ഏയ്. ഞാൻ ജന്മം കൊണ്ടു ക്രിസ്ത്യാനിയാണ്. പക്ഷേ, ഇപ്പോൾ അങ്ങനെ മതവിശ്വാസിയൊന്നുമല്ല'
'അതെന്തു പറ്റി?'
'മതങ്ങൾ ശരിയല്ല. സ്വന്തം സഹോദരങ്ങളെ കൊല്ലൂ, കൊല്ലൂ എന്നാണ് അവയെല്ലാം അനുയായികളോടു പറയുന്നത്.'

ഇതു ഡാനിയേൽ. റൊമാനിയയാണ് ജന്മദേശം. സോവിയറ്റ് ബ്ലോക്കിന്റെ പതനകാലത്ത് വടക്കൻ യൂറോപ്പിലേക്കു പോന്നു. ഇപ്പോൾ സ്വീഡനിലെ മാൽമോ എന്ന പട്ടണത്തിനടുത്തു താമസിക്കുന്നു. ഞായറാഴ്ചകളിൽ മാൽമോയിലെ ചത്വരങ്ങളിലൊന്നിൽ വന്നിരുന്ന് ഉപയോഗിച്ച, പഴയ സാധനങ്ങൾ വാങ്ങുകയും വില്ക്കുകയും ചെയ്തു ജീവിക്കുന്നു. അയാൾ മാത്രമല്ല, വേറേയും ചില സ്ത്രീ-പുരുഷന്മാർ അവിടെ വന്നിരുന്നു കച്ചവടം ചെയ്യുന്നുണ്ടായിരുന്നു. കൂടുതൽ അടുത്തുചെന്നപ്പോൾ അവരെല്ലാം അഭയാർത്ഥികളാണെന്നു കണ്ടു.

Content Highlights: Overview of the 8 km Oresund Bridge connecting rail and road. Unique underground architecture and video displays at Malmo Station