ഇഷാന് 27 വയസ്സേ ഉള്ളൂ, അദിതി ഹുണ്ടിയയുമായുള്ള വിവാഹ അഭ്യൂഹം അമ്മ തിരുത്തിയത് ഇങ്ങനെ

ഐസിസി പുരുഷ ടി20 ലോകകപ്പ് ഫൈനലിൽ ന്യൂസിലൻഡിനെ 96 റൺസിന് പരാജയപ്പെടുത്തി ഇന്ത്യൻ ടീം വീണ്ടും ഒരു വിജയം നേടിയിരിക്കുകയാണ്. അഭിഷേക് ശർമ്മയും ഇഷാൻ കിഷനും നേടിയ അർധസെഞ്ചുറികളും സഞ്ജു സാംസൺ നേടിയ 89 റൺസും ഇന്ത്യയെ 256 റൺസെന്ന കൂറ്റൻ സ്കോറിലേക്കെത്തിച്ചു. കളിയിലെ മികച്ച നിമിഷങ്ങളുടെ വീഡിയോകൾ വീണ്ടും വീണ്ടും കണ്ടുകൊണ്ടിരിക്കുകയാണ് ആരാധകർ. ഇതിനിടെ, താരങ്ങളുടെ പെൺസുഹൃത്തുക്കളും ഭാര്യമാരും കുടുംബാംഗങ്ങളും അടക്കമുള്ളവർ പ്രേക്ഷകരുടെ ശ്രദ്ധയാകർച്ചു.

ഇന്ത്യൻ ടീമിനു വേണ്ടി ചിയർ ചെയ്ത, ചുവപ്പു വസ്ത്രമിട്ട സുന്ദരിയെ നേരത്തേ തന്നെ പലരും ശ്രദ്ധിച്ചിരുന്നു. ഇഷാൻ കിഷനോട് പ്രത്യേക അടുപ്പമുണ്ടെന്നു തോന്നിച്ച പെൺകുട്ടിയെപ്പറ്റി അറിയാൻ പലരും ഇന്റർനെറ്റിൽ തിരഞ്ഞു. 2017 ൽ ഫെമിന മിസ് ഇന്ത്യയിലൂടെ മോഡലിങ് രംഗത്തേക്ക് കടന്നുവന്ന അദിതി ഹുണ്ടിയ ആയിരുന്നുവത്. ഫെമിന മിസ് ഇന്ത്യ 2017 ഫൈനലിസ്റ്റുമായിരുന്നു അവർ.

2018-ൽ അദിതി Miss Diva, മിസ് സുപ്രാനാഷണൽ ഇന്ത്യ, Miss Rajasthan എന്നിവയും നേടി. ജയ്പൂരിലെ സെന്റ് സേവ്യേഴ്സ് കോളേജിൽ നിന്നാണ് അവർ പഠനം പൂർത്തിയാക്കിയതെന്ന് റിപ്പോർട്ടുകളുണ്ട്. ജയ്പൂരിലെ ഒരു പ്രശസ്ത വ്യവസായിയുടെ മകളാണെന്നും റിപ്പോർട്ടുകളുണ്ട്. ഒരു സംരംഭക കൂടിയാണ് അദിതി, കൂടാതെ സോഷ്യൽ മീഡിയയിൽ 300K-ൽ അധികം ഫോളോവേഴ്സുമായി സ്വന്തമായി ഒരു ഫാഷൻ ലേബൽ നിർമ്മിക്കാൻ ശ്രമിക്കുകയാണ്.

ഇഷാൻ കിഷനുമായുള്ള ബന്ധത്തിലൂടെയാണ് അദിതി ശ്രദ്ധിക്കപ്പെടുന്നത്. 2019 മുതൽ ഈ ജോഡി ഒരുമിച്ച് യാത്ര ചെയ്യുന്നുണ്ട്. ഉടൻ തന്നെ വിവാഹിതരാകുമെന്ന് ഇഷാന്റെ മുത്തച്ഛൻ സ്ഥിരീകരിക്കുകയും ചെയ്തിരുന്നു. ഇന്നലത്തെ മത്സരത്തിൽ നിന്നുള്ള, ഇഷാനും അദിതിയും ഒരുമിച്ചുള്ള ഒരു ചിത്രം വൈറലായിരുന്നു.

എഎൻഐക്ക് നൽകിയ അഭിമുഖത്തിൽ, അദിതിയും ഇഷാനും തമ്മിലുള്ള വിവാഹം ഏറെക്കുറെ തീരുമാനമായതായി ഇഷാന്റെ മുത്തച്ഛൻ പറഞ്ഞു. അവർ തയ്യാറാകുമ്പോൾ വിവാഹം നടക്കുമെന്നും കുടുംബം അവരെ സ്വീകരിക്കുമെന്നും അദ്ദേഹം കൂട്ടിച്ചേർത്തു. അദിതിയെക്കുറിച്ച് ചോദിച്ചപ്പോൾ, ഇങ്ങനെയായിരുന്നു പ്രതികരണം.

"അദിതി എന്റെ കൊച്ചുമകന്റെ കാമുകിയാണ്. ജയ്പൂരിൽ താമസിക്കുന്നു. മോഡലാണ്. മിസ് ഇന്ത്യ മത്സരത്തിൽ രണ്ടാം സ്ഥാനത്തെത്തി. ഞങ്ങളെ അവൾ പ്രശംസിക്കുന്നു. നിങ്ങളുടെ മുത്തച്ഛൻ ഇപ്പോഴും സുന്ദരനായി കാണപ്പെടുന്നു എന്നവൾ പറയുന്നു."

ഇഷാൻ കിഷന്റെ അമ്മ സുചിത്ര ഐഎഎൻഎസിന് നൽകിയ അഭിമുഖത്തിൽ പറഞ്ഞത് മറ്റൊന്നായിരുന്നു. താരം നിലവിൽ വിവാഹത്തെക്കുറിച്ച് ചിന്തിക്കുന്നില്ലെന്നും ഇപ്പോൾ കരിയറിൽ ശ്രദ്ധ കേന്ദ്രീകരിക്കാനുള്ള സമയമാണെന്നുമാണ് അവർ പറഞ്ഞത്. ഇഷാന് വെറും 27 വയസ്സേ ഉള്ളൂ, ഈ സമയത്ത് മകൻ കളിക്കളത്തിൽ മാത്രം ശ്രദ്ധിക്കുമെന്നും അവർ കൂട്ടിച്ചേർത്തു. സാധാരണയായി പ്രായമായവർ അവരുടെ കൊച്ചുമക്കളുടെ വിവാഹത്തിൽ ആവേശഭരിതരാകാറുണ്ട്, ഇഷാന്റെ മുത്തച്ഛന്റെ പ്രതികരണവും അങ്ങനെയാണെന്നാണ് ചിലരുടെ നിരീക്ഷണം.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Aditi Hundia identified as the viral lady in the red dress from the IND vs NZ T20 final., Background details on Aditi's modeling career including Femina Miss India 2017 finalist and Miss Diva 2018., Clarification on the relationship status between Aditi Hundia and cricketer Ishan Kishan., Conflicting reports from family members regarding the couple's potential marriage plans.