മില്യണുകൾ പൊടിക്കുന്ന ന്യൂയോർക്ക് സിറ്റി, ആത്മീയ പ്രൗഡിയുമായി വത്തിക്കാൻ സിറ്റി

ലോകമെമ്പാടുമുള്ളവർ ചുറ്റിലും വെളിച്ചങ്ങൾ നിറച്ച് ക്രിസ്മസ് ആഘോഷത്തിൽ മുഴുകുമ്പോൾ ചെലവഴിക്കുന്ന പണത്തിന് കണക്കുനോക്കാറില്ല. തിളക്കമാർന്ന നഗര അലങ്കാരങ്ങൾ മുതൽ വലിയ സ്വകാര്യ പാർട്ടികൾ വരെ ക്രിസ്മസ് കാലത്ത് സജീവമാണ്. ലോകത്തെ ചെലവേറിയ ക്രിസ്മസ് ആഘോഷങ്ങൾ എവിടെയൊക്കെയാണ് നടക്കുന്നതെന്നു നോക്കാം.

100 മില്യൺ ഡോളറിന്റെ ക്രിസ്മസ് ന്യൂയോർക്ക് സിറ്റിയിൽ

ന്യൂയോർക്ക് സിറ്റി അവധിക്കാലത്തെ അതിസമ്പന്നതയ്ക്ക് പേരുകേട്ടതാണ്. റോക്ക്ഫെല്ലർ സെന്ററിലെ ക്രിസ്മസ് ട്രീ, ഫിഫ്ത്ത് അവന്യൂവിലെ വിപുലമായ സ്റ്റോർ ഡിസ്പ്ലേകൾ, ഐസ് സ്കേറ്റിങ് റിങ്കുകൾ എന്നിവ എല്ലാ വർഷവും ലക്ഷക്കണക്കിന് സന്ദർശകരെ ആകർഷിക്കുന്നു. അലങ്കാരങ്ങൾ, ലൈറ്റിങ്, ഉത്സവ പരിപാടികൾ എന്നിവയ്ക്കായി നഗരം പ്രതിവർഷം 100 മില്യൺ ഡോളറിലധികം ചിലവഴിക്കുന്നതായി റിപ്പോർട്ട് ചെയ്യപ്പെടുന്നു. ഇത് ലോകത്തിലെ ഏറ്റവും ചെലവേറിയ പൊതു ക്രിസ്മസ് ആഘോഷങ്ങളിലാന്നാണ്.

ലണ്ടനിൽ ലൈറ്റുകൾക്കും വിപണികൾക്കും 30 മില്യൺ

ക്രിസ്മസ് കാലത്ത് ലണ്ടനിലെ തെരുവുകളും ലാൻഡ്‌മാർക്കുകളും ലക്ഷക്കണക്കിന് ലൈറ്റുകളാൽ അലങ്കരിക്കുന്നു. ഓക്സ്ഫോർഡ് സ്ട്രീറ്റ്, റീജന്റ് സ്ട്രീറ്റ്, കോവന്റ് ഗാർഡൻ എന്നിവിടങ്ങളിൽ ഉത്സവ ഇൻസ്റ്റാളേഷനുകളുണ്ടാവും. ഇതിനായി മാത്രം, ഓരോ വർഷവും നഗരത്തിന് പത്ത് ദശലക്ഷം പൗണ്ട് വരെ ചിലവാകുമത്രേ. കൂടാതെ, ഹാരോഡ്സ്, സെൽഫ്രിഡ്ജസ് പോലുള്ള ലക്ഷ്വറി ക്രിസ്മസ് മാർക്കറ്റുകളും ഉയർന്ന നിലവാരമുള്ള സ്റ്റോർ ഡിസ്പ്ലേകളും നഗരത്തിന്റെ ഉത്സവത്തിന് മാറ്റുകൂട്ടുന്നു.

ടോക്കിയോയിലെ ലൈറ്റ് ഷോകൾ

ടോക്കിയോയിൽ, ഷിബുയ, റോപ്പോങ്കി, ഒമോട്ടെസാൻഡോ തുടങ്ങിയ ജില്ലകളിൽ അതിമനോഹരമായ ലൈറ്റ് ഷോകൾ ക്രിസ്മസ് കാലത്ത് ഒരുങ്ങാറുണ്ട്. കോർപ്പറേഷനുകൾ സ്പോൺസർ ചെയ്യുന്ന ഈ ലൈറ്റ് ഷോകൾക്ക് ലക്ഷക്കണക്കിന് ഡോളറാണ് ചെലവു വരിക. സ്വദേശികൾക്കും വിനോദസഞ്ചാരികൾക്കും ഒരുപോലെ ദൃശ്യവിരുന്നൊരുക്കുന്നതാണിത്.

വത്തിക്കാനിലെ ആത്മീയ പ്രൗഢി

വൻനഗരങ്ങളെപ്പോലെ ക്രിസ്മസ് ആഘോഷങ്ങൾക്ക് വത്തിക്കാൻ പണം ചിലവഴിക്കാറില്ല. എന്നാൽ ഇവിടുത്തെ ക്രിസ്മസ് അലങ്കാരങ്ങളും സെന്റ് പീറ്റേഴ്‌സ് സ്ക്വയറിലെ ലൈവ് നേറ്റിവിറ്റി രംഗങ്ങളും അതിവിപുലമായ പാതിരാ പ്രാർഥനയുമെല്ലാം ലോകമെമ്പാടുമുള്ള ലക്ഷക്കണക്കിന് തീർഥാടകരെ ഇവിടേക്ക് ആകർഷിക്കുന്നു. സുരക്ഷ, ലോജിസ്റ്റിക്സ്, ലോകമെമ്പാടുമുള്ള മീഡിയ കവറേജ് എന്നിവ പരിഗണിക്കുമ്പോൾ, ആഘോഷത്തിന്റെ മൂല്യം ദശലക്ഷക്കണക്കിന് ഡോളറിലെത്തും.

ആഡംബരവുമായി ദുബായ്

ക്രിസ്മസ് സമയത്ത് ദുബായ് ആഡംബരത്തെ അടുത്ത തലത്തിലേക്ക് കൊണ്ടുപോകുന്നു. ബുർജ് അൽ അറബ്, അറ്റ്ലാന്റിസ്, ദി പാം തുടങ്ങിയ ഹോട്ടലുകളിൽ മിഷെലിൻ സ്റ്റാർ ഷെഫുകൾ ഒരുക്കുന്ന ഭക്ഷണം, വിനോദങ്ങൾ എന്നിവയടക്കം വിപുലമായ ക്രിസ്മസ് വിരുന്നുകൾ നടക്കുന്നു. ചില സ്വകാര്യ പാർട്ടികൾക്ക് അതിഥി ഒന്നിന് ലക്ഷക്കണക്കിന് ഡോളർ ചിലവു വന്നേക്കും.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Discover where the most extravagant Christmas celebrations happen globally, from New York City`s $100M displays to London`s dazzling lights and Tokyo`s spectacular shows.