‘ആശാ ജി പാട്ടുകാരിലെ ഓൾറൗണ്ടർ. ഏതു പാട്ടുകളും അനായാസേന പാടുന്ന ഇതിഹാസഗായിക’
ഇന്ത്യൻ സംഗീതത്തിലെ അതുല്യ പ്രതിഭ ആശാ ഭോസ്‌ലെ വിടപറഞ്ഞിരിക്കുന്നു. രണ്ടുദിവസം മുൻപായിരുന്നു ആരോഗ്യാവസ്ഥമോശമായതിനെത്തുടർന്ന് മുംബൈയിലെ ആശുപത്രിയിൽ പ്രവേശിപ്പിച്ചത്. ഇന്നലെ ഉച്ചയോടെ പുറത്തുവന്ന മരണപ്പെട്ടുവെന്ന വാർത്ത സംഗീതാസ്വാദകരിൽ തീരാദുഃഖമാണുണ്ടാക്കിയത്. ഗസലുകൾ, ശാസ്ത്രീയ സംഗീതം, പോപ്, കാബറെ, ഡിസ്‌കോ, തട്ടുപൊളിപ്പൻ ഗാനങ്ങൾ... എല്ലാ ശൈലിയിലുള്ള സംഗീതവും ആശാ ഭോസ്‌ലെ കീഴടക്കി. ഹിന്ദി, മറാഠി, ബംഗാളി, തമിഴ്, കന്നട, മലയാളം, ഗുജറാത്തി, ഒറിയ, അസ്സാമീസ്, ഭോജ്പുരി, കൊങ്കണി, ഇംഗ്ലീഷ്, റഷ്യൻ... തുടങ്ങി ഒട്ടേറെ ഭാഷകളിൽ ആശാ ബോസ്‌ലെയുടെ ശബ്ദം സംഗീതപ്രേമികൾ നുകർന്നു. ദശാബ്ദങ്ങൾ നീണ്ടുനിന്ന ആശാ ഭോസ്‍ലെയുടെ സംഗീതജീവിതത്തിൽ പതിനായിരത്തിലധികം പാട്ടുകൾ പിറന്നു.
സൂപ്പർ സ്റ്റാർ രജനികാന്ത് നായകനായി, 2005 ൽ പുറത്തിറങ്ങിയ ‘ചന്ദ്രമുഖി’ എന്ന തമിഴ് ചിത്രത്തിലെ കൊഞ്ചം നേരം... എന്ന ഗാനത്തിലൂടെ ആശാ ഭോസ്‌ലെയും ഗായകൻ മധുബാലകൃഷ്ണനും ഒന്നിച്ചിരുന്നു. വിടപറഞ്ഞ ആ മധുരസംഗീതത്തെ ഓർക്കുകയാണ് മധു ബാലകൃഷ്ണൻ. “പാട്ടുകാരിലെ ഓൾറൗണ്ടർ ആയിരുന്നു ആശാ ജി. ഏത് ശൈലിയിലുള്ള പാട്ടുകളും അനായാസേന പാടുന്ന ഇതിഹാസഗായിക. കുട്ടിക്കാലം മുതലേ വളരെയധികം ആരാധിച്ചിരുന്നു. ആശാ ജിയുടെ ഗാനങ്ങൾ എപ്പോഴും കേട്ടിരുന്നു. ഒന്നിച്ചൊരു ഗാനം പാടാനായത് സൗഭാഗ്യമാണ്.”
Content Highlights: The passing of legendary singer Asha Bhosle in 2026 marks the end of an era in Indian music., Asha Bhosle's versatile career spanned decades, recording over 10,000 songs in multiple languages., Singer Madhu Balakrishnan shares his heartfelt memories of recording the hit song 'Konjam Neram' with Asha Bhosle for the film Chandramukhi., The tribute highlights Asha Bhosle's unique vocal style and her humble nature as an artist., Madhu Balakrishnan reflects on his own musical journey, awards, and the influence of legends on his career.