ഇന്ത്യയിലെ ഏറ്റവുമധികം പ്രതിഫലം വാങ്ങുന്ന നടൻ ഇനി രജനീകാന്തോ ഷാരൂഖ് ഖാനോ അല്ല

കുറച്ച് കാലങ്ങൾക്ക് മുമ്പ് വരെ ഒരു നടന് 10 കോടി രൂപ പ്രതിഫലം ലഭിക്കുകയെന്നുവെച്ചാൽ അതൊരു അത്ഭുതമായിരുന്നു. 90-കളിൽ, ചിരഞ്ജീവി, കമൽ ഹാസൻ, ശ്രീദേവി തുടങ്ങിയ താരങ്ങൾ ഒരു സിനിമയ്ക്ക് 1 കോടി രൂപ പ്രതിഫലം വാങ്ങുന്ന ആദ്യ ഇന്ത്യൻ താരങ്ങളായി. അടുത്ത ദശകത്തിൽ, ഖാൻമാർ ഏറ്റവും കൂടുതൽ പ്രതിഫലം വാങ്ങുന്ന നടന്മാരായി ഉയർന്നു, പ്രതിഫലം ഞെട്ടിക്കുന്ന തലങ്ങളിലേക്ക് വർധിപ്പിച്ചു. കഴിഞ്ഞ പതിറ്റാണ്ടിൽ രജനികാന്ത്, യഷ്, അല്ലു അർജുൻ എന്നീ ദക്ഷിണേന്ത്യൻ താരങ്ങൾ വീണ്ടും മുൻനിരയിലെത്തി, ഓരോ സിനിമയ്ക്കും 200 കോടി രൂപയ്ക്ക് മുകളിൽ പ്രതിഫലം വാങ്ങിയിരുന്നു ഇവർ. എന്നാൽ 2026-ൽ, ഒരു ബോളിവുഡ് താരം ഈ സ്ഥാനം തിരികെ പിടിച്ചിരിക്കുന്നു, അത് ഖാൻമാർ ആരുമല്ല.

രൺവീർ സിംഗ് ആണ് ഇപ്പോൾ ഇന്ത്യയിലെ ഏറ്റവും ഉയർന്ന പ്രതിഫലം വാങ്ങുന്ന നടൻ (highest-paid actor). 'ധുരന്ധർ' എന്ന ചിത്രത്തിലെ അദ്ദേഹത്തിന്റെ പ്രതിഫലമാണ് ഇതിന് കാരണം. രണ്ട് 'ധുരന്ധർ' ചിത്രങ്ങൾ ലോകമെമ്പാടും 3200 കോടി രൂപയുടെ നേട്ടമുണ്ടാക്കിയപ്പോൾ ഇതിൽ 1900 കോടി രൂപയിൽ കൂടുതൽ ഇന്ത്യയിൽ നിന്ന് മാത്രം ലഭിച്ചു. ചിത്രത്തിനായി രൺവീർ തന്റെ സാധാരണ പ്രതിഫലം ഉപേക്ഷിച്ച് ലാഭ വിഹിത സമ്പ്രദായം സ്വീകരിച്ചതായി റിപ്പോർട്ടുകൾ സൂചിപ്പിക്കുന്നു. നിർമ്മാണച്ചെലവ് ബജറ്റ് കവിഞ്ഞപ്പോൾ അദ്ദേഹം സ്വന്തം പണവും കൈയിൽ നിന്ന് നിക്ഷേപിച്ചു. ഇത് രണ്ട് ചിത്രങ്ങളിലെയും അദ്ദേഹത്തിന്റെ ലാഭവിഹിതം വർധിപ്പിച്ചു.

വിപണിയിലെ കണക്കനുസരിച്ച്, വിതരണ വിഹിതം, തിയേറ്റർ ബോണസ്, തിയേറ്റർ ഇതര സ്രോതസ്സുകളിൽ നിന്നുള്ള വരുമാനം (ഡിജിറ്റൽ അവകാശങ്ങൾ, സാറ്റലൈറ്റ് അവകാശങ്ങൾ, സംഗീത അവകാശങ്ങൾ) എന്നിവ കണക്കിലെടുത്തതിന് ശേഷം, രൺവീറിന്റെ ഓഹരി 325 കോടി രൂപയാണത്രേ. മൊത്തത്തിലുള്ള ലാഭത്തിന്റെ സിംഹഭാഗവും ജിയോ സ്റ്റുഡിയോസിനാണ് ലഭിച്ചത്, ബാക്കി ആദിത്യ ധറിന്റെ ബി62 സ്റ്റുഡിയോസിനും. എന്നാൽ നടന്മാരിൽ രൺവീറിന്റെ ഓഹരിയാണ് ഏറ്റവും കൂടുതൽ, അതുപോലെ ഒരു ഇന്ത്യൻ നടന് ഒരു സിനിമയ്ക്ക് ലഭിക്കുന്നതിൽ വെച്ച് ഏറ്റവും ഉയർന്ന പ്രതിഫലവുമാണിത്.

ഖാൻമാരെയും അല്ലു അർജുനെയും മറികടന്നു

രൺവീറിനു മുമ്പ് ഏറ്റവും കൂടുതൽ പ്രതിഫലം വാങ്ങുന്ന ഇന്ത്യൻ നടൻ എന്ന റെക്കോർഡ് ദക്ഷിണേന്ത്യൻ താരം രജനികാന്തിനായിരുന്നു, അദ്ദേഹത്തിന്റെ 2024 ലെ ഹിറ്റ് ചിത്രമായ 'ജയിലറി'ൽ നിന്ന് 250 കോടി രൂപയിൽ കൂടുതൽ നേടി. അല്ലു അർജുൻ, പ്രഭാസ് എന്നിവർ അവരുടെ സമീപകാല ഹിറ്റുകളായ 'പുഷ്പ 2', 'കൽക്കി 2898 എഡി' എന്നിവയിൽ നിന്ന് 200 കോടി രൂപയിൽ കൂടുതൽ നേടിയതായി റിപ്പോർട്ടുകളുണ്ട്. ബോളിവുഡിൽ, 2023 മുതൽ ഷാരൂഖ് ഖാനായിരുന്നു ഈ റെക്കോർഡ് ഉടമ. ഖാൻ തന്റെ ഏറ്റവും വലിയ ഹിറ്റുകളായ 'പത്താൻ', 'ജവാൻ' എന്നിവയിൽ നിന്ന് ഓരോന്നിനും ഏകദേശം 200 കോടി രൂപ നേടി.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Ranveer Singh earned ₹325 crore for the Dhurandhar duology in 2026., The actor opted for a profit-sharing model and invested his own funds., Dhurandhar grossed over ₹3200 crore worldwide., Ranveer surpassed previous records held by Rajinikanth, Allu Arjun, and Shah Rukh Khan.