‘ജീവിതത്തിൽ സന്തോഷത്തോടെ ഇരിക്കാൻ ആഗ്രഹത്തെ അടർത്തിമാറ്റി കൗതുകത്തെ നിലനിർത്തുക എന്നതാണ് ഒരു വഴി’

'പൊൻമുട്ടയിടുന്ന താറാവ്' എന്ന സിനിമയിലെ ഒടുവിലെ രംഗം. ചെമ്പ് തെളിഞ്ഞ മാലയുടെ പേരിൽ തട്ടാൻ ഭാസ്‌കരന്റെയും സ്നേഹലതയുടെ ദുബായിക്കാരന്റെയും പക്ഷം തിരിഞ്ഞ് ഗ്രാമം തല്ലുകൂടുകയാണ്. ആ സംഘർഷങ്ങൾക്കിടയിലേക്കാണ് പാടവരമ്പത്തൂടെ ഖൽമേയിത്താത്ത ഓടിവരുന്നത്. തട്ടമിട്ട് പട്ടുടുത്ത് മേലാകെ പൊന്നണിഞ്ഞ ഖൽമേയി. ഹാജിയാരുടെ അറപ്പുരയിൽ നിന്ന് അന്നോളം പുറത്തിറങ്ങാത്ത ഖൽമേയിയുടെ ആദ്യ ദർശനത്തിൽ ഗ്രാമം തല്ല് മറന്ന് സ്തബ്ധരാകുന്നു. ഒരു മാലയുടെയും കലഹത്തിന്റെയും ബന്ധങ്ങളുടെയും കഥ മാത്രമല്ലാതായി മാറുകയാണ് ആ രംഗത്തിൽ സിനിമ. ജീവിതമെന്ന കാലുഷ്യങ്ങളുടെ അരങ്ങിനെ ശാന്തതയിലുറപ്പിക്കുന്ന സൗന്ദര്യത്തിന്റെ സമ്മോഹന നിമിഷങ്ങളെപ്പറ്റിക്കൂടിയാണ് ആ സിനിമ അന്നു സംസാരിച്ചത്.

സൗന്ദര്യത്തിന്റെ ആ നിമിഷം കലയുടേതാകാം, കലർപ്പിലാതെ നമ്മളിലേക്കെത്തുന്ന എഴുത്തുകാരന്റെ സ്നേഹത്തിന്റെതാകാം. തിരക്കഥയൊരുക്കിയ എല്ലാ ചിത്രങ്ങളിലും രഘുനാഥ് പലേരി അങ്ങനെ ചില സ്നേഹം ഒളിപ്പിച്ചുവെച്ചിട്ടുണ്ട്. കൗതുകമുള്ള കണ്ണുകൊണ്ട് ലോകത്തെ സദാ കണ്ടുകൊണ്ടിരിക്കുന്ന ഒരാളുടെ ഉൾക്കാഴ്ചകൂടിയാണ് അവയൊക്കെയും.

Content Highlights: Explore the cinematic journey and literary brilliance of Raghunath Paleri, a celebrated figure in Malayalam cinema. Discover his stories and insights.