ധുരന്ധർ ചെയ്യാൻ മടിച്ചത് പ്രമുഖർ, അക്ഷയ് ഖന്നയും അർജുൻ രാംപാലും സഞ്ജയ് ദത്തും സമയമെടുത്തു

ആദിത്യ ധർ സംവിധാനം ചെയ്ത ധുരന്ധർ സിനിമയെ ഇത്രയധികം വിജയിപ്പിച്ചതിന് അതിലെ കാസ്റ്റിങ്ങിന് വലിയ പങ്കുണ്ട്. ഓരോ കഥാപാത്രങ്ങൾക്കും തീർത്തും അനുയോജ്യരായ താരങ്ങളെ ചിത്രത്തിലേക്ക് തിരഞ്ഞെടുത്ത മുകേഷ് ഛാബ്ര (Dhurandhar Casting) പ്രത്യേകം കൈയടി നേടുകയാണ്. എന്നാൽ തുടക്കത്തിൽ ചില പ്രമുഖ താരങ്ങൾ സിനിമയിലേക്ക് വരാൻ മടിച്ചതിനെപ്പറ്റി തുറന്നുപറയുകയാണ് അദ്ദേഹമിപ്പോൾ.

അർജുൻ രാംപാൽ, സഞ്ജയ് ദത്ത്, അക്ഷയ് ഖന്ന തുടങ്ങിയ നടന്മാർ ചിത്രത്തിൽ വരാൻ സമയം എടുത്തിരുന്നുവെന്ന് ഛാബ്ര പറയുന്നു. "തുടക്കത്തിൽ, അർജുൻ രാംപാൽ, സഞ്ജയ് ദത്ത്, അക്ഷയ് ഖന്ന എന്നിവർ പോലും ചിത്രത്തിൽ ഭാഗമാകുമെന്ന് ഉറപ്പിച്ചിട്ടില്ലായിരുന്നു. ആർ. മാധവൻ മാത്രമാണ് സമ്മതിച്ചത്. മറ്റുള്ളവർക്ക് സമയം എടുത്തു. ആദിത്യയും ഞാനും ധാരാളം ആളുകളെ പരിഗണിക്കുകയായിരുന്നു, സത്യസന്ധമായി പറഞ്ഞാൽ, ഇത്രയധികം വലിയ താരങ്ങളെ ഞങ്ങൾ കാസ്റ്റ് ചെയ്യുമെന്ന് മുമ്പ് ചിന്തിച്ചിരുന്നില്ല."

റോൾ ഏറ്റെടുക്കാൻ നടന്മാർ എന്തുകൊണ്ട് മടിച്ചിരിക്കാമെന്നും ഛാബ്ര വിശദീകരിച്ചു. സ്ക്രീൻ ടൈമിനെക്കുറിച്ചുള്ള ആശങ്കകളാണ് പലരും ചൂണ്ടിക്കാണിച്ചത്. സിനിമയിൽ അവരെ കാണിക്കുന്ന സമയത്തേക്കാൾ, കഥാപാത്രങ്ങളുടെ സ്വാധീനത്തിലാണ് തങ്ങൾ ശ്രദ്ധ കേന്ദ്രീകരിച്ചതെന്നും അദ്ദേഹം വിശദീകരിച്ചു.

"മാധവനും അർജുനും സിനിമയുടെ സെറ്റിൽ 12 ദിവസം മാത്രമാണ് ഉണ്ടായിരുന്നത്. മിക്ക നടന്മാരും സാധാരണയായി അവർക്ക് എത്ര സ്ക്രീൻ ടൈം ലഭിക്കുമെന്നതിനെക്കുറിച്ച് ആശങ്കപ്പെടും. ഇവിടെ സ്വാധീനമാണ് പ്രധാനമെന്ന് ഞങ്ങൾ പറഞ്ഞു. മാധവൻ്റെ ഭാഗം നോക്കിയാൽ, വെറും 12 മുതൽ 14 ദിവസത്തെ ജോലിയിൽ, ആ കഥാപാത്രമുണ്ടാക്കിയ സ്വാധീനം വലുതാണ്."

ധുരന്ധർ രണ്ടാംഭാഗം തിയേറ്ററുകളിൽ ശക്തമായി മുന്നേറിക്കൊണ്ടിരിക്കുകയാണ്. ഇതുവരെ 1000 കോടി രൂപയിലധികം കളക്ഷൻ ചിത്രം സ്വന്തമാക്കിക്കഴിഞ്ഞു.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Mukesh Chhabra reveals casting challenges for the film Dhurandhar., R Madhavan was the only actor who agreed to the role instantly., Established stars like Sanjay Dutt, Arjun Rampal, and Akshaye Khanna were initially hesitant., The casting process prioritized character impact over total screen time.