'എനിക്ക് ജോലി ഉണ്ടല്ലോ അതുമതി,നിങ്ങൾ സിനിമാസ്വപ്നത്തെ പിന്തുടരൂ'; ഭാര്യ തന്ന ധൈര്യത്തെപ്പറ്റി മധുപാൽ
മലയാളത്തിന്റെ പ്രിയ ചലച്ചിത്രകാരനും എഴുത്തുകാരനും നടനുമായ മധുപാലിനൊപ്പം തിരുവനന്തപുരം കാഞ്ഞിരംപാറയിലെ വീട്ടിലിരിക്കുമ്പോള്, സ്വീകരണമുറിയിലെ പുസ്തക ഷെല്ഫുകളില്നിന്നെന്ന പോലെ കഥകള് പലത് ഇറങ്ങിവന്നു. സുന്ദരമായ ജീവിതകഥകള്. ഭാര്യ രേഖാ വസുമതിയും മക്കളായ മാധവിയും മീനാക്ഷിയും അമ്മ രുഗ്മിണിയും ഒപ്പംകൂടി. സിനിമകളുടെയും സാംസ്കാരിക ക്ഷേമനിധി ചെയര്മാന്റെയും തിരക്കുകള്ക്കിടയില് വീട്ടുകാര്യം പറയാനായി മധുപാല് ഗൃഹനാഥനായി അവര്ക്കൊപ്പമിരുന്നു. ഒരിക്കലും ആഗ്രഹിക്കാതെ നടന് ആയി മാറിയതിന്റെ കഥകളുള്പ്പെടെ മുന്നിലേക്കെത്തി.
ജീവിതയാത്രയുടെ തുടക്കം മധുപാല് ഓര്ത്തു. 1985-ല് കൊച്ചിയില്നിന്ന് പാലക്കാട്ടേക്കുള്ള ബസ്സിലായിരുന്നു സുമുഖനായ മധുപാല് എന്ന ചെറുപ്പക്കാരന്. ആളിറങ്ങിയപ്പോള് തരപ്പെട്ട സീറ്റില് തൊട്ടടുത്തായിരുന്ന പെണ്കുട്ടിയെ പരിചയപ്പെട്ടു. പേര് രേഖ. പനങ്ങാട് ഫിഷറീസ് കോളേജില് വിദ്യാര്ഥിനിയാണ്. വിലാസം വാങ്ങിപ്പിരിഞ്ഞ ഇരുവരും കത്തുകളിലൂടെ സുഹൃത്തുക്കളായി. 1989-ല് രേഖയെ വിവാഹം കഴിക്കുമ്പോള് മധുപാല് സിനിമയെ സ്വപ്നംകണ്ടു നടക്കുന്ന ചെറുപ്പക്കാരന് മാത്രം.
Content Highlights: A heartwarming story of Madhupal, the celebrated Malayalam filmmaker, writer, and actor, his family, and journey in cinema.