'ഞാൻ കുടിക്കേണ്ടതിലും കൂടുതൽ കുടിച്ചു', തെറ്റുകളിൽ ഖേദിക്കുന്നുവെന്ന് ധുരന്ധർ ഗായിക

ധുരന്ധർ ദി റിവഞ്ചിലെ തന്റെ ഗാനങ്ങളുടെ വിജയം ആഘോഷിക്കുകയാണ് ഗായിക ജാസ്മിൻ സാൻഡ്ലാസ്. അടുത്തിടെ, രൺവീർ അല്ലാബാദിയയുടെ പോഡ്‌കാസ്റ്റിൽ പങ്കെടുക്കവെ തന്റെ കരിയർ, ജീവിതം, സംഗീതയാത്ര എന്നിവയെക്കുറിച്ചെല്ലാം അവർ മനസ്സുതുറന്നു. ബാല്യകാലത്ത് വളരെയധികം കഷ്ടപ്പെട്ടിട്ടുണ്ട്, പല കാര്യങ്ങളും സ്വയം കണ്ടെത്തേണ്ടി വന്നു, അക്കാലത്ത് ഒരു ഗായികയായി പേരെടുത്തെങ്കിലും ചില പ്രശ്നങ്ങളുണ്ടായിരുന്നുവെന്ന് പറഞ്ഞുകൊണ്ടാണ് അവർ തുടങ്ങിയത്.

"ഞാൻ വളരെയധികം കഷ്ടപ്പെട്ടു. വളർന്നുവരുമ്പോൾ, എന്റെ ജീവിതം ചില ഘട്ടങ്ങളിലൂടെ കടന്നുപോയി, സ്വന്തമായി കാര്യങ്ങൾ കണ്ടെത്തേണ്ടി വന്നു. അത് സുഖകരമായിരുന്നില്ല. ജീവിതം സംഭവിക്കുന്നു. ഇത് മാതാപിതാക്കൾക്ക് വലിയ ഭാരമാണ്, കുട്ടികൾക്കും. നമുക്ക് മാർഗ്ഗനിർദ്ദേശവും പോഷണവും ആവശ്യമാണ്... മാതാപിതാക്കൾ കുട്ടികളോട് എന്തിനാണിത്ര കർക്കശമായി പെരുമാറുന്നത്? ജീവിതം നിങ്ങളെ ശരിക്കും ബാധിക്കുമ്പോൾ, നിങ്ങൾ പിന്തുണ തേടും. ഞാൻ മദ്യപിച്ചുകൊണ്ടിരുന്ന ആ 2-3 വർഷങ്ങളിൽ ചെയ്ത ചില കാര്യങ്ങളിൽ ഖേദിക്കുന്നു. ഒരു വശത്ത് ഞാൻ പ്രശസ്തയായിരുന്നു, എന്റെ കുടുംബ ബന്ധങ്ങൾ തകർന്നു, അച്ഛൻ വിടപറഞ്ഞു, ഞാൻ വിജയിച്ചു, കുടിക്കേണ്ടതിലും കൂടുതൽ കുടിച്ചു, ഞാൻ അതിൽ ഖേദിക്കുന്നു (I regret it), പക്ഷെ അക്കാലത്ത് അത് എനിക്ക് പ്രധാനമായിരുന്നു."

ബാല്യകാലത്ത് എന്റെ മാതാപിതാക്കളിൽ നിന്ന് ചില വേദനകൾ ഉണ്ടായിട്ടുണ്ടെന്നും ജാസ്മിൻ പറഞ്ഞു. അവർ അറിയാതെ പലപ്പോഴും എന്റെ ഹൃദയം ഉടച്ചുകളഞ്ഞു, അതിനാൽ ഒരുതരം വിദ്വേഷം നിലനിന്നിരുന്നു. ഞാൻ അവരെ സ്നേഹിക്കുന്നു, പക്ഷെ ഒരു കുട്ടിയുടെ ഹൃദയം ഉടയുമ്പോൾ അത് അങ്ങനെ തന്നെ ഉടഞ്ഞുകിടക്കും. നിങ്ങൾക്ക് ഓടിച്ചെല്ലാൻ ഒരു സുരക്ഷിത സ്ഥലം ലഭിക്കാതെ വരുമ്പോൾ, നിങ്ങൾ എല്ലാറ്റിലും ഭ്രാന്തമായി ഒരു വീട് തേടും. ഞാൻ എന്റെ ജീവിതകാലം മുഴുവൻ അങ്ങനെയാണ് ജീവിച്ചത്-അവർ പറഞ്ഞു.

ജലന്ധറിൽ ജനിച്ച് കാലിഫോർണിയയിൽ വളർന്ന വ്യക്തിയാണ് ജാസ്മിൻ. 2008-ൽ 'മുസ്കാൻ' എന്ന ഗാനത്തിലൂടെ സംഗീത ജീവിതം ആരംഭിച്ചു. 2014-ൽ സൽമാൻ ഖാൻ നായകനായ 'കിക്ക്' എന്ന ചിത്രത്തിലൂടെയാണ് അവർക്ക് വ്യാപക ശ്രദ്ധ ലഭിച്ചത്. ധുരന്ധറിൽ 'ശരറാത്ത്', 'മേം ഔർ തു', 'ആരി ആരി' തുടങ്ങിയ ഗാനങ്ങൾ ആലപിച്ചു.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi

Content Highlights: Jasmine Sandlas candidly discusses her past struggle with alcohol addiction., The singer addresses childhood trauma and the impact of family dynamics on her mental health., Highlights her professional success in the 2026 blockbuster Dhurandhar The Revenge., Reflects on her journey from Jalandhar to becoming a celebrated voice in Indian cinema.