'കഷ്ടപ്പാടുകള്ക്ക് കാലം കാത്തുവെച്ച സമ്മാനമാണിത്', 'ലോക'യിലും തിളങ്ങുന്ന ജേക്സ് മാജിക്
ഒരു ദശാബ്ദംമുന്പ് അമേരിക്കയിലെ ഡിസ്നി സ്റ്റുഡിയോയില് വീഡിയോ ഗെയിമുകള്ക്ക് സംഗീതം നല്കിയ ഒരു ഈരാറ്റുപേട്ടക്കാരനുണ്ടായിരുന്നു. മികച്ച ശമ്പളം, താമസം, മറ്റ് സൗകര്യങ്ങളെല്ലാം... അതൊരു സ്വപ്നജീവിതമായിരുന്നു. എന്നാല്, ഒരുദിവസം ആ ഡ്രീംവേള്ഡ് വിട്ട് അയാള് ചെന്നൈയില് വിമാനമിറങ്ങി. സിനിമാസ്വപ്നങ്ങള് പൂക്കുന്ന ചെന്നൈ തെരുവുകളിലൂടെ ഭാഗ്യംതേടി അലഞ്ഞു, മെല്ലെ സിനിമകളില് അയാളുടെ സംഗീതം നിറഞ്ഞു. തുടക്കത്തിലെ പരാജയങ്ങളില് തളരാതെ അയാള് സംഗീതത്തിന്റെ തോണിതുഴഞ്ഞു. മെല്ലെ ആ തോണി വിജയചക്രവാളം തൊട്ടു.'ധ്രുവങ്ങള് പതിനാറ്', 'ക്വീന്', 'രണം'... ആ പുതുതാളം 'അയ്യപ്പനും കോശിയും' എന്ന സിനിമയിലൂടെ സംഗീതപ്രേമികളുടെ മനസ്സില് പതിഞ്ഞു.ജേക്സ് ബിജോയ് എന്ന സംഗീതസംവിധായകന് പിന്നീട് തിരിഞ്ഞുനോക്കേണ്ടിവന്നിട്ടില്ല. തൊട്ടതെല്ലാം പൊന്നായി. ഓണം റിലീസുകളില് ബോക്സോഫീസില് കുതിക്കുന്ന 'ലോക: പാര്ട്ട് വണ് ചന്ദ്ര'യുടെ പിന്നിലും ജേക്സ് മാജിക്കാണ്. തിയേറ്ററില് കണ്ടിരിക്കുന്ന പ്രേക്ഷകരെ കൊണ്ട് കൈയടിപ്പിക്കുന്ന പശ്ചാത്തലസംഗീതവും ആഘോഷമാക്കാവുന്ന പാട്ടുകളും. മാസങ്ങള്ക്ക് മുമ്പ് മലയാളത്തിലെ ഏറ്റവും വലിയ ഹിറ്റായ 'തുടരും' ജേക്സ് ബിജോയ് മാജിക്കിന്റെ മറ്റൊരുതലം പ്രേക്ഷകര്ക്ക് സമ്മാനിച്ചു. പിന്നാലെ 'നരിവേട്ട' യിലെ മിന്നല്വളയുമായെത്തി സോഷ്യല്മീഡിയയെ ഇളക്കിമറിച്ചു. ലോക: പാര്ട്ട് വണ് ചന്ദ്ര, 'ഓഫീസര് ഓണ് ഡ്യൂട്ടി', 'തുടരും', 'നരിവേട്ട'... ഹാട്രിക് ഹിറ്റില് ജേക്സ് ഹാപ്പിയാണ്.
ഹാപ്പി മൊമന്റാണോ ഇത് ?
Content Highlights: From Disney to `Lokah film`: Jakes Bejoy`s journey to becoming a top Malayalam music composer.