നടൻ വിജയുടെ വിവാഹമോചനവാർത്തകൾ ചർച്ചയാകുന്നതിനിടെ മുമ്പ് ഗായിക സുചിത്ര (Singer Suchitra) തൃഷയെപ്പറ്റിയും വിജയിയെപ്പറ്റിയും പറഞ്ഞ കാര്യങ്ങളും ചർച്ചയാവുകയാണ്. വിജയ് സ്വന്തം കുടുംബത്തിൽ നിന്ന് അകന്നതിനെക്കുറിച്ചാണ് ഗായിക പറയുന്നത്.

2024-ൽ വിജയിയുടെയും തൃഷ കൃഷ്ണന്റെയും ചിത്രങ്ങൾ വൈറലായിരുന്നു, ഔദ്യോഗിക സ്ഥിരീകരണമില്ലാതെ തന്നെ തൃഷയും വിജയിയും തമ്മിൽ ബന്ധമുണ്ടെന്ന അഭ്യൂഹം അപ്പോഴേക്കും പ്രചരിച്ചിരുന്നു. ഈ സാഹചര്യത്തിൽ ഗായിക സുചിത്രയുടെ അഭിപ്രായങ്ങൾ വലിയ കോളിളക്കം സൃഷ്ടിച്ചു. നടനു ചുറ്റുമുള്ള പല കാര്യങ്ങളെയും പ്രതികൂല സ്വാധീനം എന്നാണ് സുചിത്ര വിശേഷിപ്പിച്ചത്. തനിക്ക് തൃഷയെ തീരെ ഇഷ്ടമല്ലെന്നും സുചിത്ര പറഞ്ഞു. വിജയിയെ ഇഷ്ടപ്പെടുന്നതുകൊണ്ട് വ്യക്തിപരമായ തൻ്റെ അഭിപ്രായം പറയുമെന്നും അവർ കൂട്ടിച്ചേർത്തു. 

"എനിക്ക് തൃഷയെ തീരെ ഇഷ്ടമല്ല. ഞാൻ വസ്തുനിഷ്ഠമായി ഇത് പറയും, ഞാൻ വിജയിയെ വളരെ ഇഷ്ടപ്പെടുന്നു."

അതേ അഭിമുഖത്തിൽ, ആളുകൾ ഒറ്റപ്പെട്ട് നിൽക്കുമ്പോൾ അവരുടെ ജീവിതത്തിൽ 'പരാന്നഭോജികൾ' കടന്നുവരാറുണ്ടെന്നും, വിജയ് തൻ്റെ മാതാപിതാക്കളിൽ നിന്നും ഭാര്യയിൽ നിന്നും അകന്നുനിന്നുകൊണ്ട് അതിന്റെ ഭാഗമായെന്നും സുചിത്ര പറഞ്ഞു. 

"വിജയികളായ ആളുകൾ ഒറ്റപ്പെട്ടു നിൽക്കുമ്പോൾ അവരുടെ ജീവിതത്തിൽ പരാന്നഭോജികൾ കടന്നുവരാറുണ്ട്. വിജയ് തൻ്റെ മാതാപിതാക്കളിൽ നിന്നും ഭാര്യയിൽ നിന്നും അകന്നുനിന്നുകൊണ്ട് ഒറ്റപ്പെട്ടിരിക്കുകയാണ്. അദ്ദേഹം ഒറ്റയ്ക്കാണെങ്കിലും ഇതുവരെ ആത്മപരിശോധന നടത്തിയിട്ടില്ല. ഇതിനിടയിൽ അദ്ദേഹം രാഷ്ട്രീയത്തിൽ പ്രവേശിച്ചിരിക്കുന്നു, സത്യം പറഞ്ഞാൽ, രാഷ്ട്രീയ രംഗത്ത് മുന്നോട്ട് പോകാൻ അദ്ദേഹത്തിന് ചന്ദ്രശേഖർ എന്ന പിതാവ് ആവശ്യമാണ്, അല്ലാത്തപക്ഷം രാഷ്ട്രീയത്തിൽ ഒന്നും നേടാൻ അദ്ദേഹത്തിന് കഴിയില്ല, കാരണം രാഷ്ട്രീയത്തിൽ അദ്ദേഹത്തിന് നല്ല കാര്യങ്ങൾ സംഭവിക്കണമെങ്കിൽ പിതാവിൻ്റെ പിന്തുണ ആവശ്യമാണ്."-സുചിത്ര പറഞ്ഞു.

കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi