എഴുത്തും വായനയും അറിയാത്തവർ, ചികിത്സ കിട്ടാക്കനി;ബംഗാളിലെ ചക്ല ഗ്രാമം

ബംഗാളിലെ ആത്മീയാചാര്യൻ ബാബ ലോക്‌നാഥിന്റെ ജന്മസ്ഥലമായ ചക്ലമന്ദിറിൽ പുലർച്ചെ എത്തിച്ചേർന്നു. നാസർ ബന്ധുവിന്റെ നേതൃത്വത്തിലുള്ള സീറോ ഫൗണ്ടേഷനാണ് യാത്ര സംഘടിപ്പിച്ചത്. കൃഷിയും കൈത്തൊഴിലുകളുമാണ് ഈ ഗ്രാമത്തിന്റെ സാമ്പത്തിക സ്രോതസ്സ്. കൊൽക്കത്തയിൽനിന്നും 40 കിലോമീറ്റർ അകലെയായുള്ള ഇവിടേക്ക് ആഴ്ചയിലൊരിക്കൽ മാത്രം വന്നുപോകുന്ന ഒരു ബസ് ഉണ്ട്. ഒറ്റയാനായതുകൊണ്ട് സ്വന്തം ഇഷ്ടത്തിനാണ് വരവും പോക്കും. മറ്റൊരു പാത ബർസാത്ത് വഴിയാണ്, ഇവിടം വരെ ലോക്കൽ ട്രെയിനിൽ വന്ന് ടോട്ടോ (ഇലക്ട്രിക് ഓട്ടോ) യിൽ കയറി ചക്ലയിൽ എത്താം. സമീപത്തെ ഒരു ക്ഷേത്രത്തിനോട് ചേർന്നുള്ള സത്രത്തിലായിരുന്നു താമസം ഒരുക്കിയിരുന്നത്. മുകളിൽ ആസ്ബസ്‌റ്റോസ് ഷീറ്റുകളിട്ട രണ്ടു വലിയ മുറികൾ. നിലത്ത് പ്ലാസ്റ്റിക് ഷീറ്റ് വിരിച്ചിരുന്നു. ഉറങ്ങാൻ എല്ലാവർക്കും സ്ലീപ്പിംഗ് ബാഗുകൾ തന്നു. നിലത്ത് നമ്മുടെ ലഗേജ് വെക്കാം അടുത്ത് സ്ലീപ്പിംഗ് ബാഗിൽ കിടക്കാം. കുളിമുറിയിൽ ഒരു കുഴൽക്കിണറുണ്ട്, ഹാൻഡ് പമ്പ് ഉപയോഗിച്ച് നേരിട്ട് വെള്ളമെടുക്കാം. തണുത്ത വിറച്ച ഡിസംബറിൽ ചുടുവെള്ളം കിട്ടാത്ത ബംഗാൾ ഗ്രാമങ്ങളിൽ ഭൂഗർഭത്തിന്റെ ഇളം ചൂടോടെ ഒഴുകി വരുന്ന ജലം അനുഗ്രഹമായി. ക്ഷേത്രത്തിനടുത്ത് താമസിക്കുന്ന പിങ്കിയുടേയും പാർത്ഥോയുടേയും ആതിഥ്യവും അവരുണ്ടാക്കിത്തന്ന ഭക്ഷണവും മറക്കാനാകില്ല. അവരുടെ ചായക്കടയിലുള്ള രാവിലെത്തെ പൂരിയും ബാജിയും. ഇടയ്ക്കിടെയുള്ള കുറും ചായകൾ, ഉച്ചഭക്ഷണത്തിന് ചോറിനും ദാലിനുമൊപ്പം വറുത്തുതന്ന വഴുതനങ്ങ (ബേഗുൻ ബാജ), ഉള്ളിയും ഉരുളക്കിഴങ്ങും വെളുത്തുള്ളിയും ഇഞ്ചിയും ചേർത്ത ആലൂ ബാജ, മിഷ്ടി ദോയ് എന്ന മധുരമിട്ട കട്ടത്തയിർ. പിങ്കിയും പാർത്ഥോയും ഹൃദയത്തിലേക്ക് ചേരുകയായിരുന്നു.

ചക്ലയുടെ ഗ്രാമക്കാഴ്ചകളിലൂടെ

Content Highlights: Authentic glimpse into the socio-economic structure of rural Bengal in 2026., Cultural insights into diverse religious communities living in harmony., First-hand experience of local hospitality, cuisine, and simple village living., Reflections on the intersection of ancient myths, local legends, and modern realities., Observations on the challenges in education and healthcare in remote areas.