വര്ഷങ്ങള്ക്കു ശേഷം റാമ്പില് തിളങ്ങി കങ്കണ; യഥാര്ത്ഥ റാംപ് ക്വീന് എന്ന് ആരാധകര്
ഫാഷന് ലോകത്തേക്ക് ആവേശകരമായ തിരിച്ചുവരവ് നടത്തി നടി കങ്കണ റണൗട്ട്. ഡിസൈനര് ‘റബ്ത ബൈ രാഹുലി’ന്റെ ഏറ്റവും പുതിയ ബ്രൈഡല് ജ്വല്ലറി ശേഖരമായ ‘സല്ത്തന’ത്തിനു വേണ്ടിയാണ് നടി റാമ്പില് ചുവടുവെച്ചത്. ‘റബ്ത ബൈ രാഹുല്’ തങ്ങളുടെ ഔദ്യോഗിക ഇന്സ്റ്റാഗ്രാം അക്കൗണ്ടില് കങ്കണ റാമ്പില് നടക്കുന്നതിന്റെ വീഡിയോയും പങ്കുവെച്ചു. വര്ഷങ്ങള്ക്ക് ശേഷമാണ് കങ്കണ റാമ്പിലേക്ക് തിരിച്ചെത്തിയത്.
ചടങ്ങിനായി, ഹെവി എംബ്രോയ്ഡറിയോടുകൂടിയ ഐവറി നിറത്തിലുള്ള സാരിയും ബ്ലൗസുമാണ് കങ്കണ ധരിച്ചിരുന്നത്. തന്റെ വസ്ത്രത്തിനൊപ്പം മരതകവും സ്വര്ണ്ണവും ചേര്ന്ന ആഭരണങ്ങളും അവര് അണിഞ്ഞിരുന്നു. പൂക്കള് വെച്ച ബണ്ണും പരമ്പരാഗത ആക്സസറികളും ഉപയോഗിച്ചാണ് അവര് തന്റെ ലുക്ക് പൂര്ത്തിയാക്കിയത്.
റാബ്തയുടെ ശേഖരത്തിലെ മരതകവും സ്വര്ണ്ണാഭരണങ്ങളും അവരുടെ വേഷവിധാനത്തിന് ഒരു രാജകീയതയും ആകര്ഷണീയതയും നല്കി. ‘റബ്ത ബൈ രാഹുല്’ തങ്ങളുടെ പോസ്റ്റില് കങ്കണയെ 'പ്രചോദനം' എന്ന് വിശേഷിപ്പിച്ചു. അവരുടെ ആത്മവിശ്വാസത്തോടെയുള്ള നടത്തമായിരുന്നു എല്ലാത്തിനെയും കവച്ചുവെക്കുന്ന ആ ആകര്ഷക ഘടകം.
പോസ്റ്റിനോട് പ്രതികരിച്ചുകൊണ്ട് ഒരു ആരാധകന്, 'യഥാര്ത്ഥ റാംപ് ക്വീന്!' എന്ന് കുറിച്ചു. 'അവര് അതിസുന്ദരിയുമാണ്,' എന്ന് ഒരാള് എഴുതി. 'റാംപ് വാക്കില് അവരെ തോല്പ്പിക്കാന് ആര്ക്കും കഴിയില്ല. ഒരിക്കല് രാജ്ഞിയായാല്, എപ്പോഴും രാജ്ഞി തന്നെ,' എന്നായിരുന്നു മറ്റൊരു കമന്റ്.
വര്ഷങ്ങളായി നിരവധി പ്രമുഖ ഡിസൈനര്മാര്ക്കും ഇവന്റുകള്ക്കും വേണ്ടി കങ്കണ റാമ്പില് കയറിയിട്ടുണ്ട്. 2022-ല് ലാക്മെ ഫാഷന് വീക്കില് ഖാദി ഇന്ത്യക്ക് വേണ്ടിയാണ് അവര് ഒരുങ്ങിയത്. അന്ന് വെള്ള നിറത്തിലുള്ള ഖാദി ജംദാനി സാരിയും അതിനുചേര്ന്ന ഓവര്കോട്ടുമാണ് ധരിച്ചത്. അതേ വര്ഷം, ഡിസൈനര് വരുണ് ചക്കിലത്തിനുവേണ്ടിയും റാമ്പിലെത്തി.
കൂടുതല് ഫീച്ചറുകള് വായിക്കാന് ഗൃഹലക്ഷ്മി വാട്സാപ്പ് ഗ്രൂപ്പില് അംഗമാകൂ:https://mbiurl.in/grihalakshmi
Content Highlights: kangana ranaut makes a stunning return to the ramp for designer raabtabyrahul`s bridal jewelry collection `Sultanat`. See her regal look and fan reactions.