നാട്ടുമൂവാണ്ടന്റെ ഉടലിൽ ഏഴിനം മാവുകൾ ഒന്നിച്ചുവളരുന്നു. പൂവിട്ടൊരു ചില്ലയുടെ പേര് രവീന്ദ്രനാഥ്

ആറുവരിയായി വികസിക്കുന്ന എൻഎച്ച് 66. ദേശീയപാതയുടെ വന്മതിൽ കാഴ്ചയുടെ ഓരത്തുനിന്ന് സർവീസ് റോഡ് പുതിയൊരു വഴി കാണിച്ചുതന്നു. ആറുവരി വികസനത്തിന്റെ ആഴമറിയാത്ത ഒരു പാവം പാത. മുന്നോട്ടുചെല്ലുംതോറും നിരപ്പകന്ന് അത് ചെറിയൊരു കുന്നായി രൂപംമാറി. ധാരാളം കവരങ്ങളുള്ള മരമെന്നപോലെ കുന്ന് അതിന്റെ എടുപ്പുകൾക്കിടയിലൂടെ വഴികാട്ടി. വയൽക്കരയിലേക്കുള്ള വഴി ചെന്നവസാനിക്കുന്നിടത്ത് മരങ്ങൾക്കിടയിലൊരു വീട്. മുറ്റത്തിന്റെ കോണിൽ പാപ്പുവാ ന്യൂഗിനിയയിൽ നിന്ന് വന്നൊരു സുന്ദരി നിൽപ്പുണ്ട്. തഴച്ച പച്ചപ്പിൽ കത്തുന്ന കടുംചുവപ്പണിഞ്ഞ പുഷ്പറാണി. വേരുകൾ കൊണ്ട് മണ്ണിന്റെ പാദം മുത്തി നിറയെ പൂക്കളണിഞ്ഞ് വള്ളിപ്പടർപ്പുകൾ വിരിച്ച് തണലൊരുക്കി നിൽക്കുകയാണ് ജേഡ് വൈൻ എന്ന ആ വള്ളിച്ചെടി.

അത് വളപ്പിനുള്ളിലെ അസംഖ്യം കാഴ്ചകളുടെ ആമുഖം മാത്രമായിരുന്നു. പൂമുഖം കടന്ന് വീടിനകത്തെത്തിയാൽ സ്വീകരണമുറിയിൽ ഒരു പ്ലാവ് നിവർന്നുനിൽപ്പുണ്ട്. മനുഷ്യരുമായാണ് സമ്പർക്കമെന്ന ഭാവമൊന്നുമില്ല. മേൽക്കൂരയിലേക്ക് ചില്ല നീട്ടി വെറുംമണ്ണിൽ വേരാഴ്ത്തി മരം വീടിനുളളിൽ ജീവിതം ആസ്വദിക്കുന്നു. കുടുംബസ്ഥയായ പ്ലാവിന്റെ നിൽപ്പ് വലിയ ചില്ലു ജാലകത്തിനരികിലാണ്. വിപുലമായ സസ്യജാലത്തെ കണ്ടുകൊണ്ട് പ്ലാവ് തളിരിടുന്നു.

Content Highlights: A retired teacher, Ummar Mash, cultivates a two-acre farm in Kannur, Kerala., The farm features over 100 varieties of mangoes grown on just 40+ trees., Advanced grafting techniques are used to grow multiple mango varieties on a single tree., The collection includes rare local varieties like 'Ravindranath' and many international ones., It's an inspirational story of finding passion and peace in farming after retirement.