‘ഒറ്റനാണയ’ത്തിൽ അഭിനയിച്ചില്ലായിരുന്നെങ്കിൽ പ്രിയാമണി ‘പരുത്തിവീരനി’ൽ നായികയാകുമായിരുന്നില്ല

ആദ്യമായി സിനിമയിൽ അഭിനയിക്കാൻ വരുന്ന ചില പുതുമുഖ നായികമാരുണ്ട്, വളരെ പ്രതീക്ഷയോടെ തുടക്കംകുറിച്ച അവരുടെ പ്രഥമചിത്രം പുറത്തുവരുമ്പോൾ വലിയ പരാജയം ഏറ്റുവാങ്ങേണ്ടിവരുന്നു. ആദ്യചിത്രത്തിന്റെ പരാജയദുഃഖവുമായി കഴിയുമ്പോൾ ആരുടെയൊക്കെയോ ശുപാർശപ്രകാരം രണ്ടാമതും ഒരു പടം വന്നുചേരുന്നു. തുടർന്ന് താരത്തിന്റെ തലവര പെട്ടെന്ന് മാറിയതുപോലെ ആ ചിത്രം വമ്പൻ വിജയമായി മാറുന്നു. അതോടെ പുതുമുഖ നായികയേക്കാൾ ആവേശത്തോടെ ക്യാമറാക്കണ്ണുകളുമായി സകല ചാനലുകാരും യൂട്യൂബർമാരും നായികാതാരത്തിന്റെ മൊഴിവചനങ്ങൾക്കുവേണ്ടി ചുറ്റിനും വലംവെക്കാൻതുടങ്ങും.

ആദ്യചിത്രം ഏതാണെന്നുള്ള ചാനലുകളുടെ ചോദ്യത്തിന് പരാജയപ്പെട്ട ആദ്യചിത്രത്തിന്റെ പേരുപോലും പറയാതെ വിജയത്തേരിലേറിയ രണ്ടാമത്തെ ചിത്രമാണ് തന്റെ ആദ്യചിത്രമെന്ന് യാതൊരു ചളിപ്പുമില്ലാതെ തട്ടിവിടുന്ന പല താരമുഖങ്ങളെയും ഞാൻ കണ്ടിട്ടുണ്ട്. എന്നാൽ വന്നവഴികൾ മറക്കാത്ത, നന്ദിയും കടപ്പാടും മനസ്സിൽ സൂക്ഷിച്ചുകൊണ്ട് ഇരുൾ പരന്ന ഭൂതകാലം തുറന്നുപറയാൻ മടികാണിക്കാത്ത അപൂർവം ചില അഭിനേത്രികളും എന്റെ കാഴ്ചവെട്ടത്തിൻമുൻപിലൂടെ പോയിട്ടുണ്ട്.

Content Highlights: Kaloor Dennis talks about Priyamani as a rare mix of grace, talent, and warmth