‘നോളൻ 'ദി ഒഡീസി'യിൽ കറുത്ത വർഗ്ഗക്കാരെ ഉൾപ്പെടുത്തിയത് ഓസ്‌കാർ യോഗ്യതയ്ക്കോ?’ സോഷ്യൽ മീഡിയയിൽ ചർച്ച
ക്രിസ്റ്റഫർ നോളന്റെ ഏറ്റവും പുതിയ സിനിമയായ ‘ദി ഒഡീസി'യെ ചുറ്റിപ്പറ്റി സോഷ്യൽ മീഡിയയിൽ വലിയ ചർച്ചകൾ നടക്കുകയാണ്. ഹോമറിന്റെ 'ഒഡീസി'യെന്ന പുരാതന ഗ്രീക്ക് ഇതിഹാസകവിതയെ അടിസ്ഥാനപ്പെടുത്തിയാണ് ചിത്രമൊരുക്കുന്നത്. ജൂലൈ 17-ന് തിയേറ്ററുകളിലെത്തുന്ന ചിത്രം, ഇക്കൊല്ലത്തെ ഏറ്റവും പ്രതീക്ഷിക്കപ്പെടുന്ന ചിത്രങ്ങളിലൊന്നായാണ് കണക്കാക്കുന്നത്. എന്നാൽ റിലീസ് ചെയ്യുന്നതിന് മുമ്പ്, അതിന്റെ കാസ്റ്റിങ്ങിനെ ചുറ്റിപ്പറ്റിയാണ് സംസാരം. കെനിയൻ-മെക്സിക്കൻ നടൻ Lupita Nyong ആണ് ഹെലൻ ഓഫ് ട്രോയ് ആയി വേഷമിടുന്നത്. അതേസമയം റാപ്പർ ട്രാവിസ് സ്കോട്ട് കവിയായും പ്രത്യക്ഷപ്പെടുന്നു. 'വൈവിധ്യ നിയമനങ്ങൾ' എന്നാണ് ഈ രണ്ട് കാസ്റ്റിങ്ങും ഓൺ‌ലൈനിൽ വിമർശിക്കപ്പെട്ടത്. പുരാതന ഗ്രീക്ക് കഥാപാത്രമായ ഹെലന്റെ 'വർഗ്ഗം മാറ്റിയുള്ള' (‘race-swapping) തിരഞ്ഞെടുപ്പിനെയും പുരാതന ഗ്രീസിൽ ഒരു കറുത്ത റാപ്പറിന്റെ സാന്നിധ്യത്തെയുമാണ് പലരും ചോദ്യം ചെയ്യുന്നത്.
ഓസ്‌കാർ യോഗ്യതാ മാനദണ്ഡങ്ങൾ നിറവേറ്റാൻ വേണ്ടി മാത്രമാണ് നോളൻ കറുത്ത വർഗ്ഗക്കാരെ ഉൾപ്പെടുത്തിയെന്നാണ് റെഡിറ്റിലും ട്വിറ്ററിലും പലരും ആരോപണങ്ങൾ ഉന്നയിക്കുന്നത്. 2024 മുതൽ, മികച്ച ചിത്രത്തിനായുള്ള മത്സരത്തിൽ പങ്കെടുക്കുന്ന ചിത്രങ്ങൾക്കായി അക്കാദമി മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ട്. കാസ്റ്റിലും ക്രൂവിലും പ്രാതിനിധ്യമില്ലാത്ത വിഭാഗങ്ങളിൽ നിന്നുള്ളവരെ ഉൾപ്പെടുത്തേണ്ടതുണ്ട്. ലുപീറ്റയെയും ട്രാവിസിനെയും ഉൾപ്പെടുത്തുന്നത് ഈ മാനദണ്ഡം നിറവേറ്റാനുള്ള നോളന്റെ മാർഗ്ഗമാണെന്ന് ഇന്റർനെറ്റ് വിശ്വസിക്കുന്നു,
എലിയറ്റ് പേജ് ഉൾപ്പെടെയുള്ളവരുടെ കാസ്റ്റിങ്ങിനെയും ചിലർ ഇതിലേക്ക് ബന്ധിപ്പിച്ചിട്ടുണ്ട്. ട്രാൻസ്ജെൻഡർ ആയ എലിയറ്റിനെ ഉൾപ്പെടുത്തുന്നതിലൂടെ, LGBTQ+ വിഭാഗത്തിൽ നിന്നുള്ള 'പ്രധാന നടന്മാരിൽ ഒരാളോ ശ്രദ്ധേയമായ സഹനടന്മാരിൽ ഒരാളോ' ഉണ്ടായിരിക്കണം എന്ന അക്കാദമിയുടെ ആവശ്യം നിറവേറ്റപ്പെടും.
ക്രിസ്റ്റഫർ നോളനോ ചിത്രത്തിന്റെ നിർമ്മാതാക്കളോ അഭ്യൂഹങ്ങളെക്കുറിച്ച് ഇതുവരെ പ്രതികരിച്ചിട്ടില്ല. കാസ്റ്റിങ്ങിന് പിന്നിലെ ഉദ്ദേശ്യത്തെക്കുറിച്ച് ഇതുവരെ ചർച്ച ചെയ്തിട്ടുമില്ല. 'ദി ഒഡീസി'യിൽ മാറ്റ് ഡാമനാണ് ഇത്താക്ക രാജാവിന്റെ വേഷം ചെയ്യുന്നത്. ആൻ ഹാതവേ അദ്ദേഹത്തിന്റെ ഭാര്യ പെനിലോപ്പായി അഭിനയിക്കുന്നു. ടോം ഹോളണ്ട്, സൻഡായ, റോബർട്ട് പാറ്റിൻസൺ, ഷാർലിസ് തെറോൺ, എലിയറ്റ് പേജ് എന്നിവരും അഭിനയിക്കുന്നു.
കൂടുതൽ ഫീച്ചറുകൾ വായിക്കാൻ ഗൃഹലക്ഷ്മി വാട്സാപ്പ് ഗ്രൂപ്പിൽ അംഗമാകൂ:https://mbi.page.link/grihalakshmi
Content Highlights: Analysis of casting controversies regarding The Odyssey (2026)., Clarification of the Academy Awards' four standards for Best Picture eligibility., Explanation of how representation criteria apply to on-screen cast and crew., Contextualizing the release date of July 17, 2026.