വധുവായെത്തി വിധവയായി മടക്കം; ഒറ്റരാത്രിയിലേക്കുള്ള താലിയേറ്റുവാങ്ങുന്നവർ

നവവധുവിനരികിലേക്ക് നടക്കുമ്പോൾ ഇരവാന്റെ ചുവടുകൾ ഇടറിയിരുന്നു. പൊടുന്നനെ ഇരവാനെക്കണ്ടപ്പോൾ അവൾ പിടഞ്ഞെണീറ്റു. ''സൂര്യോദയത്തോടെ ഞാനെത്തും; ഈ രാത്രിയിലെ ആഘോഷങ്ങൾ അവസാനിക്കുമ്പോഴേക്കും. അല്പം മുൻപുണ്ടായ അപമാനം മനസ്സിൽ വെക്കരുത്. സഖികളോടൊപ്പം ആട്ടവും പാട്ടുമായി സന്തോഷമായിരിക്കൂ. രാവിലെ ഞാനെത്തുമ്പോൾ അലംകൃതയായി നിന്നെക്കാണണം.''-ഇരവാൻ ശാന്തനായി പറഞ്ഞു. വധുവിന്റെ മുഖം വിടരുന്നതും കണ്ണുകളിൽ സന്തോഷംകൊണ്ട് നീർ തിങ്ങുന്നതും അയാൾ കണ്ടു.

അർജുനനൊപ്പം ഇരവാൻ കടന്നുവന്നപ്പോൾ യജ്ഞശാലയിലെ ദീപങ്ങൾ വിളറി. ''ബലിമൃഗം എവിടെ?'' ഇരവാൻ അന്വേഷിച്ചു. മുഖ്യകർമി രൂക്ഷഗന്ധമുള്ള ചുവന്ന പുഷ്പങ്ങൾകൊണ്ടുള്ള മാല ഇരവാനെ അണിയിച്ചു.

Content Highlights: Annual Chitra Pournami festival at Koothandavar Temple dedicated to Aravan. Cultural significance of the ritualistic marriage and subsequent widowhood for the transgender community.