ആടുജീവിതത്തിലെ ദൃശ്യങ്ങള് വെറും വിഎഫ്എക്സ്, ദേശീയഅവാർഡ് നഷ്ടപ്പെടാൻ കാരണം അത്- 'ദി കേരള സ്റ്റോറി' സംവിധായകന്
71-ാമത് ദേശീയ ചലച്ചിത്ര അവാര്ഡുകളെ ചുറ്റിപ്പറ്റിയുള്ള ചര്ച്ചകള് കൂടുതല് ശക്തമാകുന്നു. ബ്ലെസിയുടെ നിരൂപക പ്രശംസ നേടിയ മലയാളചിത്രം ആടുജീവിതത്തിലെ ശ്രദ്ധേയമായ ദൃശ്യങ്ങള് വെറും 'വിഎഫ്എക്സ് ഉപയോഗിച്ച് സൃഷ്ടിച്ചതാണ്' എന്ന് ദി കേരള സ്റ്റോറി സംവിധായകന് സുദീപ്തോ സെന് ആരോപിച്ചു. ചിത്രത്തിന് മികച്ച ഛായാഗ്രാഹക ബഹുമതികള് ലഭിക്കാത്തതിന്റെ കാരണം ഇതാണെന്നും സംവിധായകന് പറഞ്ഞു.
'ദി കേരള സ്റ്റോറി'യുടെ വിജയത്തെക്കുറിച്ചുള്ള ചോദ്യങ്ങള്ക്കാണ് സുദീപ്തോ സെന് മറുപടി നല്കിയത്. ആടുജീവിതത്തിന് പകരം തന്റെ ചിത്രം മികച്ച ഛായാഗ്രഹണത്തിനുള്ള പുരസ്കാരം നേടിയതെങ്ങനെയെന്ന് ചോദിച്ച ഒരു സോഷ്യല് മീഡിയ ഉപയോക്താവിന് മറുപടിയായി സെന് എഴുതി; ''ഛായാഗ്രഹണത്തിന് അവാര്ഡ് നല്കുന്നത് എന്തുകൊണ്ടാണെന്ന് നിങ്ങള്ക്കറിയാമോ? ആടുജീവിതവും തനിക്ക് ഇഷ്ടപ്പെട്ടിരുന്നുവെങ്കിലും അതിന്റെ ദൃശ്യങ്ങള് 'വിഎഫ്എക്സ് ഉപയോഗിച്ച് സൃഷ്ടിച്ചതാണ്'' അദ്ദേഹം അവകാശപ്പെട്ടു.
ജൂറിമാരുടെ വാക്കുകള് കേള്ക്കാനും ഓണ്ലൈനില് വെറുതെ വാദിക്കാതിരിക്കാനും സുദീപ്തോ സെന് ഉപയോക്താവിനോട് അഭ്യര്ത്ഥിച്ചു. 'ഇന്സ്റ്റാഗ്രാം നിങ്ങള്ക്ക് എഴുതാനുള്ള അവസരം നല്കുന്നു, പക്ഷേ എന്തും എഴുതാനുള്ള അവകാശം നല്കുന്നില്ല. അല്പ്പം പഠിക്കുന്നത് അപകടകരമായ കാര്യമാണ് എന്ന പഴഞ്ചൊല്ല് ഉദ്ധരിച്ച് അദ്ദേഹം അഭിപ്രായപ്പെട്ടു. 'നിങ്ങള് കേരളത്തില് നിന്നുള്ളയാളായതിനാല്, കേരളീയരില് നിന്ന് കൂടുതല് യുക്തിസഹമായ കാര്യങ്ങള് ഞാന് പ്രതീക്ഷിക്കുന്നു.'
എന്നാല് ഇന്സ്റ്റാഗ്രാം ഇന്ഫ്ലുവന്സര് ആയ കാള് ലാഫ്രെനെയ്സ്, സെന്നിന്റെ വാദത്തെ പൊളിച്ചെഴുതി രംഗത്തെത്തി. 'അതുകൊണ്ടാണ് ബ്ലേഡ് റണ്ണര് 2049 മികച്ച ഛായാഗ്രഹണത്തിനുള്ള ഓസ്കാര് നേടിയത്. അതുകൊണ്ടാണ് ലൈഫ് ഓഫ് പൈ, ഗ്രാവിറ്റി, ഡ്യൂണ് എന്നിവയ്ക്കും ഇതേ അവാര്ഡ് ലഭിച്ചത്.' വിഎഫ്എക്സ് അയോഗ്യമാണെങ്കില്, സിനിമയിലെ ഏറ്റവും വലിയ ദൃശ്യ നേട്ടങ്ങളില് പകുതിയും അയോഗ്യമാക്കേണ്ടി വരും' എന്ന് ലാഫ്രെനെയ്സ് വാദിച്ചു.
സിനിമയോടുള്ള സ്നേഹത്തിന്, നിങ്ങളുടെ സിനിമയെ ആടുജീവിതവുമായി താരതമ്യം ചെയ്യരുത് എന്ന് പറഞ്ഞുകൊണ്ടാണ് അദ്ദേഹം അവസാനിപ്പിച്ചത്. പൃഥ്വിരാജ് സുകുമാരന് നായകനായ ബ്ലെസിയുടെ ആടുജീവിതം എന്ന ചിത്രം അതിന്റെ ദൃശ്യ ഗാംഭീര്യത്തിനും വൈകാരിക ആഴത്തിനും വേണ്ടി പ്രശംസിക്കപ്പെട്ടു.
'കേരള സ്റ്റോറി' പോലുള്ള ഒരു ശരാശരി ചിത്രത്തിന് മികച്ച സംവിധാനത്തിനും മികച്ച ഛായാഗ്രാഹകനുമുള്ള ദേശീയ അവാര്ഡ് എന്തിന്റെ അടിസ്ഥാനത്തിലാണ് നല്കിയതെന്ന് സിനിമാപ്രേമികളും ചോദിച്ചു.
കൂടുതല് ഫീച്ചറുകള് വായിക്കാന് ഗൃഹലക്ഷ്മി വാട്സാപ്പ് ഗ്രൂപ്പില് അംഗമാകൂ:https://mbi.page.link/grihalakshmi
Content Highlights: the kerala story director sudipto sen claims aadujeevitham`s visuals are vfx. Instagram influencer karl lafranaise refutes this, defending cinematic achievements.