1953-ൽ മദ്രാസിലാണ് ശ്രീവിദ്യ ജനിച്ചത്. അഭിനയം മാത്രമല്ല സംഗീതം, നൃത്തം എന്നീ കലകളും ശ്രീവിദ്യയ്ക്ക് ഹൃദിസ്ഥമായിരുന്നു.
1969-ൽ സത്യന്റെ നായികയായി ചട്ടമ്പിക്കവല എന്ന സിനിമയിലൂടെയായിരുന്നു അവരുടെ അരങ്ങേറ്റം. അപൂർവരാഗങ്ങൾ, ഇടവഴിയിലെ പൂച്ച മിണ്ടാപ്പൂച്ച, എന്റെ സൂര്യപുത്രിക്ക്, ചെണ്ട, അംബ അംബിക അംബാലിക, ആദാമിന്റെ വാരിയെല്ല് തുടങ്ങി തമിഴിലും മലയാളത്തിലുമായി ഒട്ടേറെ സിനിമകളിൽ അഭിനയിച്ചു. പിന്നീട് തെലുഗു, കന്നഡ, ഹിന്ദി സിനിമകളിലും വേഷമിട്ടു.
1979-ൽ ഇടവഴിയിലെ പൂച്ച മിണ്ടാപ്പൂച്ച, ജീവിതം ഒരു ഗാനം എന്നീ ചിത്രങ്ങളിലെ അഭിനയത്തിന് മികച്ച നടിക്കുള്ള സംസ്ഥാനപുരസ്കാരം ലഭിച്ചു. 1983-ൽ രചന, 1992-ൽ ദൈവത്തിന്റെ വികൃതികൾ എന്നീ സിനിമകളിലെ അഭിനയത്തിനും പുരസ്കാരം തേടിയെത്തി. തമിഴ് സിനിമയ്ക്ക് നൽകിയ സംഭാവനയ്ക്ക് കലൈമാമണി പുരസ്കാരവും അവർക്ക് ലഭിച്ചു.
അയലത്തെ സുന്ദരിയിലൂടെ സിനിമാ പിന്നണിഗായികയായി. അതിൽ അഭിനയിക്കുകയും ചെയ്തു. ഒരു പൈങ്കിളിക്കഥയിൽ ശ്രീവിദ്യയും ബാലചന്ദ്രമേനോനും ചേർത്ത് പാടിയ ആന കൊടുത്താലും കിളിയേ എന്ന പാട്ട് ഏറെ ശ്രദ്ധിക്കപ്പെട്ടു.
കാൻസറിനുള്ള ചികിത്സകൾ തുടരുന്നതിനിടെ 2006 ഒക്ടോബർ 19-നായിരുന്നു അവരുടെ മരണം.
FOR MORE WEB STORIES,
SWIPE UP